Eguna: abenduaren 27a, ortziralea
Lekua: Kultur etxea BERA
Ordua: 20:30
Iraupena: 90 min
Sarrera: 15 € (aitzinetik sarrerak Patronbase plataforman salgai)
Argibide gehiago: www.petti.eus
Antolatzailea: Berako Udala
Laguntzailea: Nafarroako Gobernua

Aurten, 25 urte betetzen dira PETTI musikari eta abeslariak bere lehen diskoa argitaratu zuela: Amets bat. Hamaika kantu indartsu, adierazkor, gordin eta hunkigarri biltzen zituen disko hura ibilbide luze eta emankor baten hazia izan zen: 13 disko bere izenean, hainbat eta hainbat kolaborazio, zuzenekoak formatu guztietan, hibridazioak…

Eszenatokia bakarka ere aise betetzeko gai den arren, sarri berak sortutako Etxeko Uzta bandako kideez inguratu da: Joseba Irazoki (gitarra), Iñigo Telletxea (baxua) eta Igor Telletxea (bateria).

Ibilbidean zehar, kritikaren oniritzia eta sarien aitortza jaso du. Baina, zalantzarik gabe, saririk onena entzuleen babesa izan da, ondoan izan baititu, bai oholtza xume eta intimoetan jotzean, bai eszenatoki jendetsuetan.

Urteurrena ospatzeko, kontzertu-sorta bat eskaintzeko asmoa du, eta, Berakoa, berezia izanen da, grabatu eginen baitute, zuzeneko disko bat argitaratzeko. Etxeko Uztako kideekin batera, Ruben Caballero gitarrista eta Estitxu eta Jokin Pinatxo abeslariak ere izanen ditu ditu alboan; ez dago zalantzarik, beraz, kontzertu indartsua eta beroa izanen dela. Zatoz ospatzera!