Nafarroako Gobernuak sustatutako 948 Kultura arte eta kultura jardueren programaren barreneko ekitaldia

Euskaraz

Eguna: abenduaren 13a, igandea
Lekua: Kultur etxea
Ordua: 17:30
Sarrera: 5 € (aitzinetik Agara prentsan salgai; egunean bertan lehiatilan salgai 16:30etatik aitzinera; edukiera mugatua)
Iraupena: 55 min
Publikoa: Familiarra (5 urtetik aitzinera)
Antolatzailea: Nafarroako Gobernua – 948 Kultura programa
Laguntzaileak: Berako Udala eta Berako Kultur Batzordea

Zuzendaria: Virginia Cervera
Dramaturgia: Maialen Díaz (Iruñeko Udalak eta Nafarroako Antzerki Eskolak antolatutako XVIII. Haurrendako Antzerki Testuen Lehiaketako testu irabazlea)
Antzezleak: Izaskun Mujika, Patrizia Eneritz, Sofía Díez eta Monika Torre
Konpainia: Malaspulgas
Koprodukzioa: Nafarroako Antzerki Eskola eta Iruñeko Udala

Sinopsia

Ilazki, bere ama Grazianarekin bizi den 9 urteko neska bat da. Grazianak, herriko bizilagunek kontatzen dizkioten istorioak korapilatuz, artilezko alkandorak, txaketak, galtzerkiak…ehuntzen (josten) ditu.

Ilazkiren pasioa egurra lantzea da. Horregatik bakar-bakarrik igarotzen duen denbora luzea, egurra zizelkatzen pasatzen du.

Urtero, San Juan gaua iristen denean, Ilazkik ezinezkoa den desio berbera eskatzen du. Ahizpa bat eduki nahiko luke elkarrekin denbora pasatu eta jolastu ahal izateko.

Ilargia eta mamorroei esker Ilazkiren desioa betetzear dago. Basoaren erdian munduan bakarrik geratu den 7 urteko neskatxa bat topatuko du Grazianak. Hilal deitzen da eta ahizpa, ama eta familia baten beharra dauka.