Dokumentalaren ondotik Harrera Sarea elkartekoek solasaldia emanen dute

Eguna: maiatzaren 6a, ortziralea
Lekua: Kultur etxea BERA
Ordua: 19:00
Iraupena (dokumentala): 87 min
Sarrera: borondatea (diru-sarrera Irungo Harrera sarekoentzat izanen da)
Hizkuntza: gaztelaniaz
Antolatzailea: Labiaga Ikastola
Laguntzaileak: Berako Udala eta Berako Kultur Batzordea

Sinopsia

Stella Maris Berria izeneko itsasontzia desegiteko atunontzia da. Hala ere, Iñigo Mijangosek eta Iñigo Gutierrezek, Itsas Salbamendu Humanitarioa izeneko GKEko bi kidek, ezohiko ideia bat izan dute: arrantza-ontzia erreskate-ontzi bihurtzea, Mediterraneo itsasoan itotzen diren errefuxiatuak salbatzeko. Horrela jaio zen Aita Mari.

Aita Marik itsasontziaren bi urtetik gorako odisea kontatzen du, berreraiki zenetik lehen erreskatea amaitu arte.

Langileen eta boluntarioen laguntza eskuzabalari esker egin ziren berregokitze lan zailen ondoren, tripulazioak sekulako eragozpenari aurre egin beharko zion: Espainiako Gobernuak ukatu egin zion itsasoratzeko baimena. Dokumentalak traba burokratikoen arrazoiak eta Aita Mariren misioak galarazteko erabakian ezkutatzen diren interes europarrak argitzen ditu.

Handik ia urtebetera, tripulazioak egoera desblokeatzeko eta itsasoratzeko bidea aurkitu zuen. Mediterraneora helduta, Libiak (huts egin duen estatua) zaintzen duen leku batean pateren bila hasi ziren. Irudiek erreskate bat erakusten dute, baita Libiako patruila batekin izandako tentsio handiko topaketa bat ere.

Aita Mari herritar anonimoek gerratik eta gosetetik ihes egiten duten pertsonei laguntzeko egindako ahalegin kolektiboaren historia da.