Jabier Muguruza: ahotsa eta sanplerra
Ander Mujika: gitarra elektrikoak

Eguna: urtarrilaren 26a, larunbata
Lekua: Berako kultur etxea
Ordua: 19:30
Sarrera: 8 €
Iraupena: 80 min
Argibide gehiago: www.jabiermuruza.net 
Antolatzailea: Berako Kultur Batzordea
Laguntzailea: Nafarroako Antzoki Sarea

Leiho bat zabalik

Jabier Muguruzaren disko berriak, 15.a kantautore moduan, aldaketa nabarmena dakar instrumentazio aldetik: urte luzeetan lagundu dion oinarri akustikoa alde batera utzi, eta gitarra elektrikoak (Ander Mujika) eta elementu elektronikoak (“Carasueño”) ditu ardatz oraingo honetan; modu horretara, soinu-paisaia berri batera eramaten du obra.

Hala ere, eta aldaketak aldaketa, Jabierren jarraitzaileak berehala ezagutuko ditu bere ohiko estiloa eta nortasuna: tempo lasaiak, hitz intimistak belarrira xuxurlatuak, dotorezia melodietan, emozioen alkimia…

Hitzak, ohiko kolaboratzaileenak dira oraingoan ere (Iñaki Irazu, Gerardo Markuleta, Lourdes Oñederra, Jose Luis Padron, Harkaitz Cano), gehi, aspaldiko partez, Iban Zaldua eta Angel Erro, eta, aurreneko aldiz, Iñigo Astiz.

Bertzalde, erran beharra dago musika guztiak Jabierrenak direla.

Irungo kantaria behin eta berriz errepikatzen ari den gisan, kulturarako garai ilun hauetan, ilusioa eta gogoari eusteko apustu kementsua da orain aurkezten duen Leiho bat zabalik hau.

Azkenik, esan, zuzenean Ander Mujika eta Jabier Muguruza arituko direla disko berria aurkezten.