LIBURU AURKEZPENA: "Sin piedad" (Fernando Mikelarena)

Historialaria 1936an Nafarroan suertatutako errepresio politiko itzelaz solastuko da

Liburuaren izenburua: Sin piedad. Limpieza política en Navarra, 1936. Responsabilidades, colaboradores y ejecutores (Pamiela Ed.).

Eguna: abenduaren 17a, ortzeguna
Lekua: Beralandeta
Ordua: 19:00
Antolatzailea: Berako Kultur Batzordea

Fernando Mikelarenak “borreroek” (maila ezberdinetan) burutako errepresio politikoa jorratzen du, Nafarroan suertatutako “garbiketa politiko”-aren egitura oso baten inguruan, dokumentazio ezezaguna emanez. Nafarroa estatu mailan lehenbiziko postuan egonen zen, Fronte Popularraren boto-emaileen erailketak erreferentzia hartuta.

Bertzaldetik, indarkeria politikoaren mekanismoen eta Memoriaren kudeaketaren inguruan hausnartzen du. Honek guztiak koherentzia eta ildo nagusi bat ematen dio bere dokumentazio lan eskergari; gisa berean, oraingo eta etorkizuneko Nafarroako gizartearentzat lezio baliagarria izanen da.

Fernando Mikelarena Peña (Bera, 1962) . Historian doktorea UNEDn (1992), Zaragozako Unibertsitateko irakasle titularra da eta ehun artikulu baino gehiago idatzi ditu hainbat gairen inguruan: herrien historia, nekazaritzaren historia, gizartearen historia, antropologia historikoa, pentsaera eta ideologien historia eta Gerra Zibila eta errepresio faszistaren historia, gehienbat XVIII., XIX. eta XX. mendeetako Nafarroan arreta jarrita eta eskualdeko, estatuko eta nazioarteko aldizkarietan argitaratuak.

Hona hemen Fernando Mikelarenak Iruñean egin zuen aurkezpenaren zati bat.